Байқоңыр қаласына жұмыс сапар

Толығырақ

Қаралды: 1094

28 наурыз күні Байқоңыр қаласында Қорымыздың басшысы және серіктестермен екі нәтижелі шара өткізілді.Күннің алғашқы бөлігінде «Благодари» қорының ғимаратында ата-аналар, мамандар, мектепке дейінгі мекемелердің педагогтары, арнайы педагогтар, қоғамда белсенді жүмыс жасап отырған еріктілермен кездесу ұйымдастырылды, Қатысушылардың барлығы да осы балалардың бұзылыстарына қатысты, олардың білім алудағы еерекше қажеттіліктері, көмек пен қолдаудың түрлері, қызмететр мен нормативтер, менталды бұзылыстары бар жастардың жеке өмір сүруі мен кәсіби дайындығы туралы ақпараттармен танысты. Ата-аналардың ортақ кездесуі барысында қазіргі таңда Ресей Федерациясы мен Қазақстан Республикасы бұл тұлғаларға қандай қолдау көрсету бағдарламалары бар екендігі атап көрсетіліп, жалпы кездесу барысында көптеген сұрақтар талқыланды. Қазақстан Республикасының азаматтары тарапынан білім, денсаулық сақтау және әлеуметтік сала тарапынан қажеттіліктер, мұқтаждықтар мен ала алмай отырған қызметтер туралы ақпарат анықталып, Алмагүл Дәулетқазықызы өз тарапынан заңгер әрі Арнайы білім беру саласының маманы ретінде Байқоңыр қаласындағы қазақстандық басшыларға жеткізді. 
Түстен кейінгі уақытта Байқоңыр қаласындағы Қазақстанның тарапындағы № 275 мектепте ҚР білім беру мамандары және РФ педагогтары бірлесе отырып Ресей-Қазақстандық семинар жұмысы өткізілді. Кездесуге 160 аса адам қатысты. Алмагүл Сейсенова Қазақстан Республикасының білім алуда ерекше қажеттіліктері бар балалар мен жасөспірімдерге педагогикалық, түзету және психологиялық қолдау көрсету жүйесі, оларды медициналық оңалту және әлеуметтік бейімдеу мәселелері туралы дәріс оқып, елімізде және Ресей Федерациясындағы инклюзивті және арнайы білім беру бойынша мәліметтерді айтып өтті, ҚР-ндағы заңнамалық база мен нормативтік-құқықтық актілер, соңғы жылдары еліміз ратификациялаған халықаралық Конвенциялар, қол жеткен жетістіктер туралы баяндады. Жалпы семинар барлық қатысушыларға өте қызықты және мәнді әрі мағыналы болды. Байқоңыр қаласындағы серіктесіміз «Благодари» қайырымдылық қорының басшысы Роза Баймаханова ханымға ұйымдастырған шаралар үшін алғыс білдіреміз.