Қызылорда облысы Қармақшы ауданына іс-сапар

Толығырақ

Қаралды: 1167

      Қызылорда облысындағы іссапардың келесі шарасы наурыздың 27-і күні Қармақшы ауданының білім бөлімі ұйымдастырған № 26 мектеп қабырғасындағы педагог мамандармен жиналыс болды. Содан кейін Байқоңыр қаласындағы қорымыздың серіктесі Роза Баймаханова бастаған Ресей Федерациясының «Благодари» қайырымдылық қоры ұйымдастырған шараларға қатысу болды. 
     «Благодари» қоры денсаулық мүмкіндіктері шектеулі балалардың ата-аналары өздерінің балаларына қатысты міндеттер мен мәселелерді бірлесіп шешу, сонымен қатар келесі іс-шараларды жүзеге асыру үшін құрылған: 
- азаматтарды әлеуметтік тұрғыдан қолдау мен қорғау, бала кезінен мүгедектігі бар балаларды және өзінің жеке немесе зияткерлік ерекшеліктері, өзге де жағдайларға байланысты құқықтары мен заңды мүдделерін өз бетінше іске асыра алмайтын өзге де адамдарды әлеуметтік бейімдеу мен оңалтуды қамтамасыз ету; 
- отбасының қоғамдағы рөлі мен мәртебесін нығайтуға жәрдемдесу; 
- ана, бала және әкені қорғауға жәрдемдесу; 
- азаматтардың денсаулығын сақтау және алдын алу, салауатты өмір салтын насихаттау, азаматтардың моральдық-психологиялық жағдайын жақсарту саласындағы қызметке жәрдемдесу;
- денсаулық мүмкіндіктері шектеулі азаматтарды әлеуметтендіру және ортаға бейімдеу.
       Сапар барысында осы ауданның аймағында орналасқан Қорқыт атаның басында орналасқан мемориалдық кешенге бару ұйымдастырылды. Біздің қор жетекшісі мен әріптестерін Байқоңыр қаласына енбестен бұрын Қазақстан Республикасы Президентінің арнайы өкілі және Байқоңыр қаласындағы «НұрОтан» партиясының бірінші орынбасары қабылдап, қошемет көрсетіп, жалпы қазіргі таңда қалада қандай жағдай болып отыр, Қазақстан Республикасының азаматтарына, мүгедектігі бар балалардың білім алу қажеттіліктеріне байланысты қандай нәтижелі шаралар атқарылып, нендей жоспарлар бар екендігін таныстырып өтті.