«Азамат әлеуеті» Жеке Қайырымдылық Қорының Президенті Сейсенова Алмагүл Даулетқазықызының наурыздың 25-26 күндері Қызылорда қаласындағы жұмыс сапары бойынша қысқаша ақпарат. Наурыздың 25-і, жұмыс сапарының бірінші күні Қызылорда қаласында орналасқан облыстық ақыл-ой бұзылыстары бар балаларга арналған № 7 мектептің ұжымымен кездесу ұйымдастырылды. Кездесу барысында мектептің жұмысы туралы ақпарат алынып, қазіргі таңда қандай өзгерістер болып жатқаны туралы нақты мәлімет беріліп өтті. Аталмыш оқу орнында менталды бұзылыстары бар балалардың білім алуы қалай болып жатыр, мұғалімдердің хал-ахуалы қалай екендігі анықталып, осы балаларға тәрбие жұмысын жүргізіп отырған тәрбиешілермен жұмыс жүргізіліліп, жалпы жұмысты қорытындалай келе барлық мамандармен жиналыс өткізіліп, сұрақ-жауаптар алынды. Мектеп басшылығы, мұғалімдер, тәрбиешілер, қызметкерлердің барлығы да ашық түрде қонақтармен сұхбат құрып, жұмыс жүргізе алды. Бір айта кететін жайт - Алмагүл Дәулетқазықызы өңірмен және облыстағы арнайы білім беру ұйымдарымен куратор ретінде 2012 жылдан бері жұмыс жасағандықтан, барлық мамандар мен педагогтар сұрақтарын ашық түрде қойып, сауалдарына жауап ала алды. 
Сол күні түстен кейін белгілі меценат Болат Өтемұратовтың «Асыл Мирас» Жеке Қайырымдылық Қорының ғимаратында білім алуда ерекше қажеттіліктері бар балалардың ата-аналармен шағын кездесу болды. Аталмыш қор ұйымдастырып отырған жұмыс аясында Қызылорда облысындағы аутистік спектрдегі бұзылыстары бар балаларға түрлі қызметтер атқарылып отыр. Қор жұмысымен Айтбенбетов Болатбек мырза таныстырып өтті. Бұл күні аутист балалар мен Даун синдромына шалдыққан балалардың ата-аналарымен тығыз жұмыс жүргізіліп, мамандармен сұхбат өткізілді.

              Наурыздың 26-ы күні түске дейін Қызылорда қаласында орналасқан арнайы білім беру ұйымдары: түрлі бұзылыстары бар балаларған арналған Арнайы мектептер, Психологиялық-медициналық-педагогикалық кеңестер, Психологиялық-педагогикалық түзету кабинеттері, Оңалту орталықтарының басшылары мен мамандары, арнайы сыныптардың мұғалімдері, қазіргі таңда инклюзивті білім беруді жүзеге асырып отырған «Болашақ» Қорымен жұмыс жасап отырған инклюзивті білім беруді қолдау кабинеттерінің сол жердегі ұстаздарымен кездесу өтті. Кездесу барысында түсініктеме жұмысы жүргізіліп, педагог кадрлардың жұмыстарына қажет ақпараттар мен мәліметтер берілді. Осы тұрғыда арнайы білім беру саласына қатысты, инклюзивті білім беруге байланысты, бұл балалардың ересек өміріне орай Сейсенова Алмагүл Дәулетқазықызы мол ақпарат беруге тырысты, өзара пікір алмасу белсенді өтті. 
             Айта кететін жайт Қызылорда облысында соңғы үлгідегі материалдық-техникалық базасы бар Психологиялық-педагогикалық түзету кабинетінің ашылуына «Дара» Қоры бірден бір себепкер болған. Даулетиярова Маржан Мұқитқызы осы кездесуді ұйымдастырып, психологиялық-педагогикалық кабинеті негізінде облыстық білім басқармасынан басшылар шақырылды, сонымен қатар қалалық білім бөлімінің басшылары, арнайы 3 мектептің өкілдерімен (көру, есту, ақыл-ой бұзылыстары бар балаларға арналған мектептер) өзара сұхбат құру барысында қазіргі таңда облыста қандай келелі мәселелер бар деген сұрақтарға жауап қайтарылды. Кездесуде білім беру саласындағы Облыстық Оңалту орталықтарының басшылары да болды, олардың тарапынан да сұрақтар туындап, жалпы өнімді әрі маңызды сұқбат жүргізілді. 
            Наурыздың 26-ы күні түстен кейін қаладағы № 278 мектептің негізінде Қызылорда қаласында тұратын ерекше қажеттіліктері бар балалардың ата-аналары, педагог мамандар, арнайы білім беру мекемелерінің ұстаздары және инклюзивті білім беру мәселелерін жүзеге асырып отырған педагогтармен кездесу өткізілді.
           Сол күні кешке таман серіктестер 3 интернатты мекемеге барып, жұмыстарымен танысты. Олардың арасында арнайы әлеуметтік қызметтерді атқаратын орталықтар да бар. Мүгедектігі бар тұлғалармен оңалту шараларын атқарып отырған әлеуметтік саладағы Облыстық Оңалту орталығының директорының орынбасары Гүлмира Айбасқызы Кенжебаева мүгедектігі бар ересек тұлғаларға арналған орталық ғимаратын толығымен көрсетіп, жүмыспен таныстырып шықты. Бұл орталықтың ғимаратының бір бөлігінде Астана қаласындағы Республикалық балаларды оңалту орталығының Қызылорда облысы бойынша филиалы да бар екен. Психикалық денсаулық орталығының басшысы Жұмабаев Алмат Дастанұлы менталды бұзылыстары бар тұлғаларға арналған арнайы мекеме екендігін белгілеп, соның ішіндегі психикалық және ақыл-ой бұзылыстары бар тұлғаларға қандай қызметтер атқарылатыны, жұмыстар қалайша жүзеге асырылып жатыр, қазіргі таңда деиституцианализация мәселесіне орай қандай дайындық жұмыстары жасалып жатқанын айтып, жаңа бастамалардың барлығын көрсетіп шықты. 
             Қызылорда қаласында наурыз 25-26-ы күндері өткен шараларды ұйымдастырып, үлесін қосқан барлық мекеме басшылары мен мамандарға зор алғысымызды білдіре отырып, болашаққа жоспарлаған жұмыстарыңыздың жүзеге асуына тілектестігімізді білдіреміз.