Халықаралық мүгедектер күні

Толығырақ

Қаралды: 977

Қоғамдық өмірдің барлық салаларында мүгедектердің құқықтарын ілгерілету, сондай-ақ мүгедектердің мәселелеріне қалың жұртшылықтың назарын аудару мақсатында БҰҰ Бас Ассамблеясы 1992 жылы 3 желтоқсанды Халықаралық мүгедектер күні деп жариялады (International Day of Persons with Disabilities). 

Әлемде шамамен бір миллиард мүгедектер тұрады (бұл әлем халқының шамамен 15%-ы) және олардың барлығы қоғам өміріне толық ауқымды, тиімді және тең құқылы қатысудан оларды болдырмайтын физикалық, әлеуметтік-экономикалық және мінез-құлық кедергілерімен бетпе-бет келеді. БҰҰ мәліметтері бойынша, олар әлем халқының кедей бөлігінің басым үлесін құрайды, сондай-ақ оларға білім беру, жұмыспен қамту, денсаулық сақтау және әлеуметтік және құқықтық қолдау жүйесі сияқты негізгі ресурстарға тең қолжетімділік жоқ. Сондықтан 3 желтоқсанда Халықаралық мүгедектер күнін өткізу мүгедектердің проблемаларына назар аударуға, олардың қадір-қасиетін, құқықтары мен амандығын қорғауға, қоғамның назарын мүгедектердің саяси, әлеуметтік, экономикалық және мәдени өмірге қатысуынан алатын артықшылықтарға тартуға бағытталған. Осы күні жарияланған мақсат – адам құқықтарын толық және тең сақтау және мүгедектердің қоғам өміріне қатысуы. Бұл қағидаттар 1982 жылы Бас Ассамблея қабылдаған мүгедектерге қатысты дүниежүзілік іс-қимыл бағдарламасында қойылды.